इंग्लिस प्रिमियर लिगमा टोटेनहमले सनसनीपूर्ण जित हात पारेको छ।
रिचार्लीसनको उत्कृष्ट प्रदर्शनमा टोटेनहमले सेफिल्ड युनाइटेडलाई २-१ गोलले हरायो।
खेलको दोस्रो हाफको इन्जुरी टाइमको आठौं मिनेटसम्म टोटेनहम १-० गोलले पछि परेको स्थिति थियो।
आठौं मिनेटमा रिचार्लीसनले पेरिसिकको पासमा बराबरी गोल फर्काए। दुई मिनेटपछि रिचार्लीसनकै पासमा कुलुसेभ्स्कीले गोल गरेपछि टोटेनहम २-१ गोलले अघि बढ्यो।
त्यसअघि सेफिल्डले ७३ मिनेटमा हामरको गोलबाट खेलमा अग्रता लिएको थियो। लिगमा टोटेनहम १० अंक जोडेर चौथो स्थानमा छ भने सेफिल्ड ४ अंकसहित १४औं स्थानमा छ।
