राष्ट्रिय लिग २०८२ अन्तर्गत सशस्त्र प्रहरी बलको नेपाल एपिएफ क्लब लगातार चौथो जित निकालेर अंक तालिकाको शीर्ष स्थानमा पुगेको छ।
एपिएफले बुधबार एन्फा कम्प्लेक्स सातदोबाटोमा भएको खेलमा जावलाखेल युथ क्लबमाथि २-१ गोलको जित निकाल्यो।
जावलाखेल युथ क्लबले धर्वेन्द्र कुँवरले २०औं मिनेटमा गरेको गोलबाट खेलमा पहिले अग्रता लियो।
तर एएपिएफल त्यसपछि दुई गोल फर्कायो। एपिएफका लागि समिराज थोकरले ५८ र ८४ मिनेटमा गरी दुई गोल गरे।
थोकर एपिएफको पुनरागमन जितमा नायक सावित भए। उनी खेलको प्लेयर अफ दि म्याच भए।
यसअघि एपिएफले संकटा, चर्च ब्वाइज र फ्रेण्ड्स क्लबलाई पराजित गरेको थियो।
-1746009348.jpg)
