च्याम्पियन्स लिगको अन्तिम १६ मा पुग्नका लागि दुई लेगको प्ले-अफको ड्र सार्वजनिक भएको छ।
जसअनुसार ११औं स्थानमा रहेको साविक विजेत पिएसजीले मोनाकोसँग खेल्नेछ।
१५ पटकका युरोपियन च्याम्पियन रियल म्याड्रिडले पूर्व म्यानेजर जोसे मोउरिन्होको बेनफिकासँग भिडन्त गर्नेछ।
इंग्लिस क्लब न्युकासल युनाइटेडले क्वाराबागसँग खेल्ने भएको छ।
न्युकासलले बुधबार डिफेन्डिङ च्याम्पियन पेरिस सेन्ट-जर्मेनसँग १-१ को बराबरी खेल्दै लिग फेजमा १२औं स्थानमा रहँदै प्लेअफ सुनिश्चित गरेका थियो।
प्ले-अफको पहिलो लेग फेब्रुअरी १७-१८ मा र दोस्रो लेग त्यसको एक सातापछि हुनेछ।
२०२५-२६ को च्याम्पियन्स लिग फाइनल मे ३० मा हंगेरीको बुद्धापेस्टस्थित पुस्कास एरेनामा हुनेछ।
च्याम्पियन्स लिग प्ले-अफ ड्र:
• बोदो/ग्लिम्ट विरुद्ध इन्टर मिलान
• बेनफिका विरुद्ध रियल म्याड्रिड
• मोनाको विरुद्ध पेरिस सेन्ट-जर्मेन
• क्वाराबाग विरुद्ध न्युकास
• गालातासाराय विरुद्ध युभेन्टस
• क्लब ब्रग विरुद्ध एट्लेटिको म्याड्रिड
• बोरुसिया डर्टमुन्ड विरुद्ध एटालान्टा
• ओलम्पियाकोस विरुद्ध बायर लेभरकुजेन
यसअघि लिग चरणम शीर्ष आठ टोली सिधा अन्तिम १६ मा पुगेका थिए। जसमा आर्सनल (२४ अंक, सबै खेलमा जितसहित), बायर्न म्युनिख, लिभरपुल, टोटेनहम, बार्सिलोना, चेल्सी, स्पोर्टिङ सीपी र म्यानचेस्टर सिटी रहेका थिए।
अब प्लेअफबाट आउने आठ टोली र सिधा पुगेका आठ टोलीले अन्तिम १६ को नटआउट चरणमा प्रतिस्पर्धा गर्नेछन्।
-1746009348.jpg)
