जापानको इची–नागोयामा जारी २०औँ एसियाली खेलकुदअन्तर्गत पुरुष ५० मिटर बटरफ्लाइमा नेपालका अभिभ प्रधानले नयाँ राष्ट्रिय कीर्तिमान कायम गरेका छन्।
हिट–२ मा प्रतिस्पर्धा गरेका अभिभले २६.०५ सेकेन्डमा दूरी पूरा गर्दै आफ्नै नाममा रहेको राष्ट्रिय कीर्तिमान सुधार गरेका हुन्। उनले यसअघि नेपाल एक्वेटिक्स च्याम्पियनसिपमा २६.४० सेकेन्ड**को समय निकाल्दै राष्ट्रिय कीर्तिमान बनाएका थिए।
नयाँ कीर्तिमान बनाए पनि अभिभ फाइनल चरणमा भने पुग्न सकेनन्। आफ्नो हिटमा उनी चौथो स्थानमा रहे भने समग्रमा ३१औँ स्थानमा रहे।
यस स्पर्धामा शीर्ष आठ खेलाडीले मात्र फाइनलमा स्थान बनाउने प्रावधान रहेकाले अभिभको एसियाली खेलकुद यात्रा हिट चरणमै समाप्त भएको हो।
यद्यपी आफ्नै कीर्तिमानमा सुधार गर्दै नयाँ राष्ट्रिय कीर्तिमान बनाउनु सकारात्मक उपलब्धि भएको प्रशिक्षक रत्न महर्जनले बताएका छन्।
-1790072299.jpg)
-1746009348.jpg)
