सरोज लामिछाने र सीमा भण्डारीको स्वरमा नयाँ गीत सार्वजनिक भएको छ। 'जीन्दगी के छ र!' बोलको लोकभाकामा आधारित यो गीत गत शुक्रबार युट्युबबाट सार्वजनिक भएको हो। 'जिन्दगी के छ र!'मा शब्द तथा संगीत गायक सरोजकै छ।
संगीत संयोजन आर. के. मिलनले गरेका हुन्। म्युजिक भिडिओमा दिनेश थापा, साम्प्रिय खड्का, मधुसुधान पाठक, लक्ष्मी गिरी, समाइरा थापा, कल्याण रत्न कार्की र मन्जु भण्डारीको अभिनय तथा प्रस्तुति छ।
म्युजिक भिडिओ प्रकाश भट्टले निर्देशन गरेका हुन्। यसमा नवराज उप्रेतीको सिनेमेटोग्राफी छ। भिडिओ विष्णु शर्माले सम्पादन गरेका हुन्।
भिडिओमा टिकटकमा भाइरल समैरा थापाको पनि प्रस्तुति छ। गायक सरोजको यसअघि सार्वजनिक 'बदाम खाको', 'सालको पात हे माया', 'हे मेरो सानु', 'कोठा भाडा तिर्ने मैले हो', 'दुई खोली दोभान'लगायत लोक गीत चर्तित छन्। 'जिन्दगी के छ र!' गायक सरोज लामिछानेको आधिकारिक युट्युब च्यानलबाट सार्वजनिक भएको हो।
