हास्य कलाकार केदार प्रसाद घिमिरे ‘माग्ने बुढा’ले कमेडी शो ‘कमेडी हब’ निर्देशन गर्ने भएका छन्।
सोमबार काठमाडौंमा एक कार्यक्रम गर्दै कमेडी शो ‘कमेडी हब’को औपचारिक निर्माण घोषणा गरिएको हो। जेठ ११ गते बुधबारदेखि ‘कमेडी हब’ प्रसारण हुनेछ।
शोमा माग्ने बुढासहित कमेडी च्याम्पियन सिजन १ का विजेता हिमेश पन्त, कमेडियनहरू राजा राजेन्द्र, खड्ग बहादुर पुन मगर (खबपु), चन्चल मगर, प्रभात लामा, दिलिप तामाङ (हुर्हुर), बेदना राई, सिता न्यौपाने, जानुका पौड्याल (प्याकुली), राधिका कंडेल, दिपेन्द्र प्रसाईं, राजेन्द्र नेपाली (लट्टे), कल्पना खतिवडा, नारिया गिरी, अनिल राई संगम राई र दिपेश घिमिरेले कमेडी कला प्रस्तुत गर्ने भएका छन्।
शोमा प्योर, ह्युमर, रोमान्टिक, स्ट्यान्ड अप, सटायरिक र प्यारोडी गरी कमेडीका ६ शैली प्रस्तुत गरिनेछ।
शोका विषयवस्तु निर्देशन माग्ने बुढा र प्राविधिक निर्देशन जनकदीप पराजुलीले गरिरहेका छन्। ‘कमेडी हब’ एपिवान टेलिभिजनबाट प्रत्येक बुधबार राती ८ बजे कार्यक्रम प्रसारण हुने बताइएको छ।
-1746009348.jpg)
