कामेश्वर चौरासिया अभिनीत फिल्म 'अभिमन्यु: च्याप्टर १' को ट्रेलर सार्वजनिक भएको छ।
बिहीबार सार्वजनिक ट्रेलरले फिल्मका पात्रको चरित्र चित्रणबारे जानकारी दिँदै कथावस्तुबारे संकेत गर्छ।
क्राइम–थ्रीलर जनरामा बनेको फिल्मको ट्रेलर मुख्य कलाकार कामेश्वरको पात्र वरीपरी घुमेको छ। साथमा, लक्ष्मी बर्देवा, गौमाया गुरुङ, सरिता गिरी, प्रकाश दाहाल, किरण श्रेष्ठ, सुष्मा निरौला, शिशिर वाङ्देल लगायतलाई देखिन्छ।
सुशान्त गौतम निर्देशित फिल्मको लेखन मुकेश खनालको हो।
सेभेन सिज सिनेमाको प्रस्तुति रहेको फिल्मको निर्माता विनोद पौडेल र गुञ्जन गिरी हुन्। सह–निर्मातामा रमेश चौलागाईं र हरि श्रेष्ठ छन्।
'अभिमन्यु' भदौ २७ देखि देशभरका सिनेमा हलमा प्रदर्शनमा आउने तयारीमा छ।
यसको हिन्दी संस्करण असोज ६ गतेदेखि प्रदर्शनमा ल्याउने निर्माण पक्षको तयारी छ।
-1746009348.jpg)
