सनिशा भट्टराई र आशिर्वाद क्षेत्री अभिनीत 'भो नबोलाऊ मलाई' गीतको भिडिओ सार्वजनिक भएको छ।
शनिबार काठमाडौंमा एक कार्यक्रमकाबीच सफल शेरचनको स्वर, शब्द र संगीत रहेको गीत सार्वजनिक गरिएको हो।
आयोजित कार्यक्रममा बोल्दै वरिष्ठ कलाकार मदनकृष्ण श्रेष्ठले गीत राम्रो लागेको बताए। उनले गायक तथा संगीतकार शेरचनको स्वर, शब्द र संगीतको समेत तारिफ गरे। यो गीतलाई स्रोता तथा दर्शकले मन पराउनेमा विश्वास व्यक्त गर्दै निर्मण टिमलाई बधाई दिए।
बाबुल गिरीको एरेन्ज, राजेश शाहले मिक्सिङ/मास्टरिङ रहेको गीतको भिडिओ दीपा शाक्य श्रेष्ठको निर्देशनमा तयार गरिएको हो।
उत्तम हुमागाईंको डिओपी रहेको भिडिओ मुकुन्द हुमागाईंले सम्पादन गरेका हुन्।
भिडिओलाई एसएस प्रोडक्सन लण्डनले निर्माण गरेको हो। त्यसकै युट्युब च्यानलमा भिडिओ हेर्न सकिन्छ।
-1746009348.jpg)
