फिल्म 'बिगुल' को ट्रेलर सार्वजनिक गरिएको छ।
ओएसआर डिजिटल युट्युबमार्फत सार्वजनिक ३ मिनेट अवधिको ट्रेलरले फिल्मको कथा, पात्रहरूको मनोविज्ञान र सन्देशबारे जानकारी दिन्छ।
ट्रेलरमा राजनीतिक खेलवाड, सामाजिक न्याय, पारिवारिक उल्झन, पुस्ताबीच विचारमा मतभेदलगायतको कुरा देखाइएको छ। राजनीतिक विकृति र अन्यायविरूद्ध उठ्ने जनआवाजलाई फिल्मको कथा बनाइएको ट्रेलरबाट अनुमान गर्न सकिन्छ।
फिल्मको केन्द्रमा अभिनेत्री बेनिशा हमाल छिन्। साथमा नरेन खड्का, विनोद न्यौपाने, सरोज खनाल, रमेश बुढाथोकी, नीर शाह, हेमन्त बुढाथोकी, शिशिर वाङ्देल, जेएन घिमिरे, गीता अधिकारी, मानश्री शर्मा, रविन्द्र खड्का, मीरा पण्डितलगायत कलाकारहरूको अभिनय छ।
रमेश कोइरालाको निर्देशनमा फिल्म बनेको हो। कल्पना पौडेल प्रस्तुतकर्ता रहेको फिल्ममा दिनेश कोइरालाको कथा र निर्माण छ। फिल्ममा सूर्यकान्त कोइराला र महेश कोइराला सह-निर्माता छन्।
'बिगुल' माघ ९ गतेदेखि देशभरका सिनेमा हलहरूमा प्रदर्शनमा आउने तयारीमा छ।
-1746009348.jpg)
