अर्जुन घिमिरे (पाँडे)को निर्देशनमा बनेको फिल्म 'झरीपछिको इन्द्रेणी' को व्यापार एक करोड रूपैयाँ नाघेको छ।
पुस ४ गतेदेखि प्रदर्शनमा आएको फिल्मले सिनेपाः बक्सअफिसमा पछिल्लो शनिबार (पुस २६) सम्ममा १ करोड १२ लाख ३८ हजार ९०४ रूपैयाँ ग्रस कमाइ गरेको हो। यो अवधिमा फिल्मको ३५ हजार ८४२ वटा टिकट बिक्री भएका छन्।
'झरीपछिको इन्द्रेणी' मा र्यापर समेत रहेका काठमाडौं महानगरका मेयर बालेन शाहको गीत समावेश छ। सोहीकारण पनि यो फिल्म थप चर्चामा थियो। फिल्ममा गणेश उप्रेती, रमेश उप्रेती, दीपाश्री निरौला, प्रियाना आचार्य, बिमोचन दवाडी, जेसिका पोखरेल, प्रकाश घिमिरेलगायत कलाकारहरूको अभिनय छ।
'झरीपछिको इन्द्रेणी' चौथो हप्तामा प्रदर्शनरत छ।
-1746009348.jpg)
