फिल्म 'घरज्वाइँ' निर्देशन गरेका अनिल बुढा मगरको दोस्रो फिल्म 'मितज्यू' को छायांकन सुरू भएको छ।
शुक्रबार वसन्त पञ्चमीको अवसर पारेर दाङस्थित अम्बिकेश्वरी मन्दिरमा शुभमुहूर्त गर्दै फिल्मको छायांकन शुभारम्भ गरिएको हो।
धार्मिक विधिपूर्वक पूजा गर्दै पहिलो दृश्य खिचिएसँगै फिल्मको छायांकन थालिएको निर्माता जनक घर्ती मगरले बताए।
उनका अनुसार 'मितज्यू' सामाजिक कथावस्तुमा आधारित फिल्म हो। यसको छायांकन दाङ र रोल्पाका विभिन्न स्थानमा गरिनेछ।
फिल्ममा दयाहाङ राई, सौगात मल्ल, तेरिया फौजा मगर, पुस्कर गुरूङ, शिशिर वाङ्देल, राज थापा, सुवर्ण थापा, अनु थापा, स्मिता लामिछाने, अरूण पुन मगर, उत्तम राज पाण्डे, सविन कट्टेल, उमेश सोनाम, पवित्रा खड्का, चाहाना राना मगर, अनुशा राई, खड्गबहादुर पुन मगर (खबपु) लगायतको अभिनय रहनेछ।
चर्चित नृत्यांगना तेरियाको यो डेब्यु फिल्म हो।
यस फिल्मका मुख्य सहायक निर्देशक फिरोज खड्का हुन् भने सहायक निर्देशकमा अनिल दाहाल, सञ्जु नेपाली र एल्मिना राई छन्। प्रोडक्सन डिजाइनर किशोर नेपाल, ड्रेस डिजाइनर संगीता रोका मगर, सम्पादक लोकश बज्राचार्य, छायाँकार शिशिर विशंखेल, द्वन्द्व निर्देशक प्रभात विष्ट र साउन्ड डिजाइनर नवीन श्रेष्ठ रहेका छन्। संगीत श्रीकृष्ण बम मल्लको रहनेछ।
'मितज्यू' आगामी जेठ १५ गते गणतन्त्र दिवसको अवसरमा प्रदर्शनमा आउने निर्माण पक्षले जनाएको छ।
-1746009348.jpg)
