नेपाली फिल्मका प्राविधिक (लाइटम्यान) शम्भु भट्टराईको निधन भएको छ।
४७ वर्षीय उनको शुक्रबार धरानमा निधन भएको हो। केही सातादेखि फिल्म 'कार्की साइँला' को छायांकनमा रहेका उनी छायांकनस्थलमै अस्वस्थ भई ढलेपछि निधन भएको बताइएको छ।
बिहीबार प्रतिनिधिसभा सदस्य निर्वाचनका कारण रोकिएको छायांकन शुक्रबारदेखि पुनः सुरू गर्ने तयारी भइरहेको थियो।
यो फिल्मका मुख्य कलाकार अभिनेता जीतु नेपालले दुःख व्यक्त गर्दै सामाजिक सञ्जालमा लेखेका छन्, 'हामी सुटिङ सुरू गर्ने तयारीमै हुँदा बाटोमै लड्नुभयो भन्ने खबर आयो। साथीहरू दौडेर पुग्दा केही समयमै उहाँको निधन भएको खबर आयो, हामी सबै स्तब्ध भयौं।' भट्टराईले थुप्रै फिल्ममा काम गरेका छन्। उनको शनिबार बिहान पोस्टमार्टम गरिने र दिउँसो काठमाडौं ल्याएर पशुपति आर्यघाटमा अन्येष्टि गर्ने तयारी रहेको चलचित्र प्राविधिक संघका अध्यक्ष पुष्कर लामाले बताए।
काठमाडौं खरिबोट घर भएका भट्टराईको श्रीमती र दुई छोरा छन्।
-1746009348.jpg)
