भारतीय क्रिकेट टिमका कप्तान विराट कोहली र बलिउड अभिनेत्री अनुष्का शर्मा अभिभावक बन्ने भएका छन्।
कोहली र शर्माले बिहीबार आफ्नो ट्वीटरमार्फत तस्बिर सार्वजनिक गर्दै अभिभावक बन्न लागेको जानकारी दिएका हुन्। तस्बिरमा अनुष्का गर्भवती भएको देखिन्छन्।
कोहली र शर्मा दुबैले आफ्नो ट्वीटरमा लेखेका छन्,'र त्यसपछि, हामी तीन जना हुनेछौं।'
उनीहरूले बच्चा जन्मिने मिति सन् २०२१ जनवरीमा रहेको समेत जानकारी दिएका छन्। कोहली र शर्माले सन् २०१७ डिसेम्बर ११ गते इटालीमा पुगेर विवाह गरेका थिए। उनीहरू पहिलो पटक अभिभावक बन्न लागेका हुन्।
