नेपाली अभिनेता अनुपविक्रम शाही बलिउड फिल्म 'ब्याटल अफ गलवान' को छायांकन सकेर स्वदेश फर्किएका छन्।
यो फिल्ममा अनुपविक्रम बलिउड सुपरस्टार सलमान खानसँग देखिँदैछन्। फिल्मको आफ्नो भागको छायांकन सकिएपछि अनुपले सामाजिक सञ्जालमा एक पोस्ट लेख्दै सलमान खानसँग काम गर्दाको अनुभव साटेका छन्।
सानैदेखि पर्दामा हेर्दै आएका कलाकारसँग ‘स्क्रिन सेयर’ गर्न पाउनुलाई उनले जीवनको एक महत्वपूर्ण उपलब्धिका रूपमा उल्लेख गरेका छन्।
अनुपविक्रमले 'ब्याटल अफ गलवान' बाट बलिउडमा डेब्यु गरेका हुन्। यो सलमान खानको समेत बहुप्रतिक्षित फिल्म हो। यसको प्रदर्शन सन् २०२६ मा हुने जनाइएको छ।
-1746009348.jpg)
