दक्षिण भारतीय अभिनेता जुनियर एनटीआर फिल्म छायांकनका क्रममा घाइते भएका छन्।
प्रशान्त नील निर्देशित प्रतिक्षित प्यान-इन्डिया फिल्म 'ड्रयागन' को एक्सन दृश्य सुटिङका क्रममा एनटीआरको काँधमा चोट लागेको हो।
अभिनेतालाई सुटिङकै क्रममा चोट लागेपछि तुरून्तै अस्पताल लगिएको थियो।
स्वास्थ्य परीक्षणपश्चात् चिकित्सकहरूको टोलीले उनलाई पूर्ण रूपमा निको हुन ६ देखि ८ हप्तासम्म पूर्ण आराम गर्न सुझाव दिएको छ।
जुलाई २७ (सोमबार)मा एनटीआरको आधिकारिक टिमले विज्ञप्ति जारी गर्दै फ्यानहरूलाई अनावश्यक चिन्ता नलिन आग्रह गरेको छ।
उनको स्वास्थ्य अवस्था सामान्य रहेको पनि फिल्मको टिमले जनाएको छ।
'ड्रयागन' मा एनटीआरसहित अनिल कपुर, बिजु मेनन, रूक्मिणी वसन्तलगायत चर्चित कलाकारहरूको अभिनय रहनेछ। फिल्म आगामी सन् २०२७ जुन ११ मा प्रदर्शन गर्ने लक्ष्य राखिएको छ।
'ड्रयागन' एक्सन थ्रिलर जनरामा बनिरहेको छ।
