भारतीय अभिनेता सिद्धार्थ मल्होत्रा र अभिनेत्री तमन्ना भाटिया अभिनित फिल्म 'द भ्वानः फोर्स अफ द फरेस्ट' विवादमा परेको छ।
ट्रेलर सार्वजनिक भएसँगै फिल्म विवादमा परेको हो।
भारतीय संचारमाध्यम हिन्तुस्तान टाइम्सका अनुसार गायक तथा संगीतकार सरगम वैशले फिल्मको ट्रेलरमा आफ्नो गीत 'ऐगिरी नन्दिनी' अनुमति नलिई प्रयोग गरिएको आरोप लगाएका हुन्।
सरगम वैशले आफूले उक्त गीतमा लामो समयदेखि काम गरिरहेको र गीतको मास्टर फाइल तथा भोकल्स नै प्रयोग गरिएको दाबी गरेका छन्। फिल्मका निर्माताले ट्रेलर वा त्यसको प्रचारमा गीत प्रयोग गर्न आफूबाट अनुमति नलिएको उनको दाबी छ।
उनले सामाजिक सञ्जालमार्फत फिल्मका निर्मातालाई गीत हटाउन आग्रह गर्दै कानुनी बाटोमा जाने चेतावनी दिएका छन्। यद्यपि, फिल्म निर्माण पक्षबाट भने यस विषयमा अहिलेसम्म सार्वजनिक प्रतिक्रिया आएको छैन।
'द भ्वान' दीपककुमार मिश्रले निर्देशन गरेको फिल्म हो। यसमा सिद्धार्थ र तमन्नासँगै सुनील ग्रोवर, मनीष पल, श्वेता तिवारी, अनुप सोनीलगायत कलाकारको अभिनय छ।
फिल्म सेप्टेम्बर २५ (असोज ९)मा प्रदर्शन हुँदैछ।
-1746009348.jpg)
