सर्जक एवं गायक राजनराज शिवाकोटीले नयाँ गीत सार्वजनिक गरेका छन्।
शनिबार सार्वजनिक 'परिचय पाउँ न हजुरको' गीतमा उनीसँगै गायिका मिलन नेवारको स्वर छ।
रोमान्टिक शैलीको गीतमा अभिनेत्री प्रियंका कार्की र अभिनेता गम्भीर बिष्टको अभिनय एवं नृत्य छ। यसको शब्द एवं संगीत पनि राजनराजकै हो।
भिडिओलाई गम्भीर बिष्टले निर्देशन गरेका हुन्।
रोशन विश्वकर्मा कोरियोग्राफर रहेको गीतमा नवराज उप्रेतीको छायांकन, प्रविण भट्टको सम्पादन छ।
आरजे इन्टरटेन्मेन्ट युट्युब च्यानलबाट गीत सार्वजनिक गरिएको हो।
