विभिन्न जिल्ला तथा सहरहरूमा मेला-महोत्सवको लहर सुरू भएको छ। महोत्सवको सिजन सुरू भएसँगै अहिले चल्तीका गायक-गायिकाहरूको व्यस्तता पनि बढेको छ।
स्थानीय उत्पादनको प्रवद्र्धन र पर्यटन विकासको उद्देश्यले आयोजना गरिने यस्ता महोत्सवहरूको मुख्य आकर्षण सांगीतिक कार्यक्रम हुने गर्छ।
दर्शकको भीड जम्मा गर्न आयोजकले चर्चित कलाकारलाई प्राथमिकता दिने भएकाले चलेका गायक-गायिकाहरूको माग उच्च हुन्छ।
यसवर्ष पनि कलाकारहरू देशभित्रका मेला-महोत्सवमा व्यस्त बन्न थालिसकेका छन्। उनीहरूले देशका पूर्वदेखि पश्चिमसम्मका स्टेज तताउन थालेका छन्।
सामाजिक सञ्जालमा 'आज यहाँ, भोलि त्यहाँ' भन्दै सार्वजनिक गरिने सांगीतिक तालिका र दर्शकको बाक्लो उपस्थितिका भिडिओ क्लिपले कलाकारहरूको व्यस्ततालाई देखाउँछ।
कलाकारहरूका लागि मेला-महोत्सव कमाउने अवसर समेत हो। महोत्सवको यो चटारोले कलाकारलाई व्यस्त र आम्दानी मात्र गराउँदैन, नेपाली गीत-संगीतलाई दुरदराजका दर्शकसम्म प्रत्यक्ष रूपमा जोड्ने काम पनि गर्छ।
जाडो मौसमको आगमनसँगै सुरू भएको देशभित्रको यो मेला महोत्सवको सिजन फागुनसम्मै हुने गर्छ।
तस्बिरहरूः कलाकारहरूको फेसबुकबाट
-1746009348.jpg)
