एक समयकी चर्चित अभिनेत्री मौसमी मल्ल लामो समयपछि दर्शकमाझ फर्किएकी छन्। उनी गीतको म्युजिक भिडिओमार्फत अभिनयमा कमब्याक गरेकी हुन्।
मौसमी अभिनीत 'म हुँ सृष्टिको फक्ताङलुङ' गीतमा गायिका नीता आचार्यको स्वर छ।
मंगलबार सार्वजनिक गीतको भिडिओ गोविन्द राईको निर्देशनमा तयार भएको हो। भिडिओमा मौसमी नेपाली परम्परागत भेषभूषामा विभिन्न ऐतिहासिक तथा सांस्कृतिक पात्रका रूपमा प्रस्तुत भएकी छन्।
मौसमीले गीतको भिडिओमार्फत पुनः दर्शकमाझ आएको बताउँदै सबैलाई हेरेर प्रतिक्रिया दिन आग्रह गरेकी छन्। गीतमा मनु लोहोरूङ राईको शब्द, साज सिंहको संगीत तथा एरेन्ज छ। सुरज प्रधानले गीतको रेकर्डिङ गरेका हुन्।
सौरभ लामाको डिओपी, हिमाल श्रेष्ठको सिनेमाटोग्राफी रहेको भिडिओको सम्पादन सन्देश शाहले गरेका हुन्।
