महालक्ष्मी विकास बैंकले गत आर्थिक वर्ष २०७५/७६ को नाफाबाट सेयधनीहरुलाई १७.८९ प्रतिशत लाभांस दिने घोषणा गरेको छ।
संचालक समितिको बैठकले ९.८९ प्रतिशत नगद र ८प्रतिशत सेयर वितरण गर्ने निर्णय गरेको छ । उक्त नगद लाभांश र बोनस सेयर नेपाल राष्ट्र बैंकबाट स्वीकृत भइ साधारण सभाबाट पारित गरे पश्चात् वितरण गरिने बैंकले जानकारी दिएको छ।
१०२ वटा शाखा तथा ३५ वटा एटिएमहरुमार्फत सेवा प्रदान गरिरहेको बैंकका ग्राहक ५ लाख भन्दा बढी रहेका छन्।
२ अर्ब ८४ करोड चुक्ता पुँजी भएको बैंकले हालसम्म करिब ३२ अर्ब ५६ करोड निक्षेप संकलन गरी २८ अर्ब ४८ करोड ऋण लगानी गरेको छ।
