नेपाल एसबिआई बैंक लिमिटेडले कोरोना भाइरस संक्रमण रोकथाम, नियन्त्रण तथा उपचार कोष र कोरोनाबाट प्रभावितको सहयोगको लागि १ करोड रुपैयाँ सहयोग गर्ने निर्णय गरेको छ।
उक्त रकममध्ये ५० लाख रुपैयाँ केन्द्रिय सरकारले स्थापना गरेको कोरोना कोषमा र प्रत्येक प्रदेश सरकारको कोषमा ५ लाख सहयोग गर्ने बताइएको छ।
यसका साथै बाँकीको १५ लाख रुपैयाँ बैंकले कोभिड १९ को संक्रमण रोकथाम तथा नियन्त्रणका लागि देशका विभिन्न स्थानमा खर्च गरिने जनाएको छ।