बुधबार नेप्से परिसूचक दोहोरो अंकले घटेको छ।
नेप्से १३.३५ अंकले घटेर २६३५.९४ विन्दुमा बन्द भएको हो।
बुधबार नेप्से परिसूचकसँगै कारोबार रकम पनि अघिल्लो दिनको तुलनामा घटेको छ।
अघिल्लो कारोबार दिन सात अर्ब १२ करोड रूपैयाँको सेयर कारोबार भएकोमा यसदिन उक्त रकम घटेर पाँच अर्ब १७ करोड रूपैयाँमा सीमित भएको छ।
यसदिन ३२३ वटा धितोपत्रको एक करोड ६ लाख ३३ हजार ७१७ कित्ता सेयर किनबेच भएको हो।
बुधबार ६२ कम्पनीको सेयरमूल्य बढेको छ भने १८७ वटाको घटेको छ। यस्तै, १० कम्पनी स्थिर छन्।
यसदिन नारायणी विकास बैंकको मूल्य सर्वाधिक ६.०८ प्रतिशतले बढेर प्रतिकित्ता मूल्य एक हजार ३९५ रूपैयाँ पुगेको छ।
यस्तै, फर्स्ट माइक्रोफाइनान्सको मूल्य ३.३५ प्रतिशतले बढेको छ। उक्त कम्पनीको प्रतिकित्ता मूल्य ८१५ रूपैयाँ पुगेको छ।
यसैगरी, एसवाई प्यानलको मूल्य सर्वाधिक ८.४५ प्रतिशतले घटेर प्रति कित्ता मूल्य एक हजार १९० रूपैयाँ १० पैसामा झरेको छ।
बुधबार एसवाई प्यानलको नै सर्वाधिक कारोबार भएको छ।
उक्त कम्पनीको प्रतिकित्ता २६ करोड ९४ लाख बराबरको सेयर कारोबार भएको हो।
सर्वाधिक सेयर खरिद–बिक्री हुने दोस्रो सूचीमा श्रीनगर एग्रिटेक रहेको छ। उक्त कम्पनीको ९७० रूपैयाँ १० पैसामा २३ करोड ५५ लाख रूपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये वित्त र व्यापार समूहको परिसूचक घटेको छ भने बाँकी सबै समूहको परिसूचक बढ्दा समग्र नेप्से बढेको हो।
यसमध्ये होटल्स तथा पर्यटन समूहको परिसूचक सर्वाधिक १.४२ प्रतिशतले घटेको छ।
-1756446574.jpg)
-1746009348.jpg)
