स्ट्यान्डर्ड चार्टर्ड बैंक नेपालको नाफा गएको वर्ष १८.५१ प्रतिशतले घटेको छ। बैंकले सार्वजनिक गरेको अन्तिम वित्तीय विरणअनुसार २ अर्ब ८४ करोड रुपैयाँ खुद नाफा आर्जन गरेको छ।
अघिल्लो वर्ष बैंकले यस्तो नाफा ३ अर्ब ४७ करोड कमाएको थियो।
३० प्रतिशतले निक्षेप बढाएर ९८ अर्ब ४६ करोड संकलन गरेपनि ऋण विस्तार भने १.५ प्रतिशतले बढेर जम्मा ५३ अर्ब ९१ करोडमात्र रहेको छ।
खुद ब्याज आम्दानी अघिल्लो वर्षको तुलनामा ०.२ प्रतिशतले घटेर ३ अर्ब ५१ करोडमा सिमित भएको छ। बैंकले धेरै निक्षेप लिएपनि ऋण परिचालन गर्ननसक्दा खुद ब्याज आम्दानी ऋणात्मक भएको हो।
शुल्क तथा कमिसनमा १६ प्रतिशतले न्यून आय गरेको बैंकको जोखिम व्यवस्थापन जगेडा भने तीन गुणाले बढेको छ। अघिल्लो वर्ष ८ करोडमात्र यस्तो शिर्षकमा खर्च गरेको बैंकले गएको वर्ष ४३ करोड खर्चिएको छ।
बैंकको वितरयोग्य नाफा १ अर्ब ५१ करोड रहेको छ। बैंकको खराब कर्जा बढेर ०.४४ प्रतिशत पुगेको छ।
८ अर्ब १ करोड चुक्ता पुँजी स्थिर रहेको बैंकको जगेडा भने ९ प्रतिशतले बढेर ५ अर्ब ५६ करोड पुगेको छ।
