डिजिटल वालेट आइएमइ-पेले आउँदो असोज ३ र ४ गते सञ्चालन हुने अल्टिमा अनलाइन मेलामा 'एकको डबल' अफर सार्वजनिक गरेको छ।
अल्टिमाले आफ्नो वेबसाइट लन्च गर्ने अवसरलाई लक्षित गर्दै 'अल्टिमा अनलाइन मेला' गर्ने भएको हो। जसअन्तर्गत बिहान ९ देखी ११ बजेसम्म र साँझ ६ बजेदेखि राती ८ बजेसम्म एउटा अल्टिमा एटम ५२० वा अल्टिमा एटम ३२० इयरबड्स किन्ने ५ सय जना सेवाग्राहीलाई अर्को इयरबड निःशुल्क दिने व्यवस्था गरिएको छ।
साथै अल्टिमाका अन्य ग्याजेटहरूमा आइएमइ-पेमार्फत भुक्तानी गर्दा २५ प्रतिशत छुट प्राप्त हुने कम्पनीले जनाएको छ।
अल्टिमासँगको रणनीतिक साझेदारीलाई नयाँ उचाइमा लैजान तथा ग्राहकलाई डिजिटल कारोबार गर्न थप प्रोत्साहन गर्न यो अफर ल्याइएको आइएमइ-पेका सिइओ प्रवीन रेग्मीले जानकारी दिए।
