साताको अन्तिम कारोबार दिन अर्थात् बिहीबार नेप्से परिसूचक स्थिर रहेको छ।
बुधबार २०८९.६२ विन्दुमा बन्द भएको नेप्से बिहीबार ०.६२ अंकले घटेर २०८८.९९ बिन्दुमा बन्द भएको छ।
बिहीबारको बजारमा ४ अर्ब ३० करोड ७७ लाख ६३ हजार २७७ रूपैयाँको सेयर कारोबार भएको छ।
बुधबार ५ अर्ब १३ करोड ४८ लाख ४८ हजार ७८९ रूपैयाँको सेयर कारोबार भएको थियो।
बुधबारको तुलनामा आज कारोबार रकम ८३ करोड रूपैयाँ कम हो।
यस दिन ३०७ वटा धितोपत्रको २ करोड २१ लाख ३२ हजार ७६८ कित्ता सेयर किनबेच भएको हो।
बिहीबार १२१ कम्पनीको सेयर मूल्य बढेको छ भने ११७ वटाको घटेको छ। यस्तै, ९ कम्पनीको सेयर मूल्य स्थिर रहेको छ।
यसदिन ६ कम्पनीको सेयर मूल्य १० प्रतिशतका दरले बढेको छ।
निर्धन उत्थान लघुवित्त, समाज लघुवित्त, मिड सोलु हाइड्रोपावर, त्रिशूली जलविद्युत, मुक्तिनाथ कृषि कम्पनी र नेपाल वयर हाउजिङको सेयरमूल्य १० प्रतिशतका दरले बढेको छ।
यसैगरी, हिमालयन रिइन्स्योरेन्सको सेयरमूल्य ९.९९ प्रतिशतले बढेको छ।
९% नेपाल एसबिआई बैंक ऋणपत्र २०८९ को मूल्य सर्वाधिक ९.६० प्रतिशतले घटेको छ। उक्त ऋणपत्रको मूल्य ९०४ रूपैयाँ कायम भएको छ।
यस्तै, मन्दाकिनी हाइड्रोपावरको सेयरमूल्य ४.९० प्रतिशतले घटेको छ। उक्त कम्पनीको प्रतिकित्ता मूल्य ४५० रूपैयाँ पुगेको छ।
बिहीबार हिमालयन बैंकको संस्थापक सेयरको सर्वाधिक कारोबार भएको छ।
उक्त कम्पनीको प्रतिकित्ता १३४ रूपैयाँ ९० पैसामा २३ करोड ८५ लाख बराबरको सेयर कारोबार भएको हो।
यो मूल्य अघिल्लो दिनको तुलनामा ९.४६ प्रतिशत घटेको हो।
सर्वाधिक सेयर खरिद–बिक्री हुने दोस्रो कम्पनीमा नेपाल रिइन्स्योरेन्सको संस्थापक सेयर रहेको छ। उक्त कम्पनीको प्रतिकित्ता १०० रूपैयाँमा १९ करोड ६० लाख रूपैयाँ बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये चार समूहको परिसूचक बढेको छ भने बाँकी ९ समूहको परिसूचक घटेको छ।
यस दिन जलविद्युत समूहको परिसूचक सर्वाधिक १.५६ प्रतिशतले बढेको छ।
