मुक्तिनाथ विकास बैंकले शनिबार १७ औं वार्षिक साधारण सभा सम्पन्न गरेको छ।
उक्त साधारण सभाले आर्थिक वर्ष २०७९-८० को वार्षिक प्रतिवेदन पारित गर्दै सेयरधनीहरूलाई १०.२६ प्रतिशत लाभांश दिने प्रस्ताव समेत स्वीकृत गरेको छ।
उक्त लाभांशमध्ये ९.७५ प्रतिशत बोनस सेयर र बाँकी ०.५१ प्रतिशत कर प्रयोजनको लागि नगद लाभांश रहेको छ।
सोही सभाबाट आर्थिक वर्ष २०८०-८१ को लागि लेखापरीक्षकको नियुक्ति लगायतका सामान्य प्रस्तावहरू कम्पनीले पारित गरेको छ।
बैंकका सञ्चालक समितिका अध्यक्ष भरतराज ढकालको अध्यक्षतामा सभा सम्पन्न भएको हो।
उक्त सभाले बैंकको नयाँ सञ्चालक समिति समेत चयन गरेको छ। नयाँ सञ्चालक समितिमा भरतराज ढकाल, नारायण कुमार श्रेष्ठ, भरत प्रसाद लम्साल, विनोद कुमार शर्मा र सरोजा श्रेष्ठ (कोइराला) सर्वसम्मत चयन भएको बैंकका प्रमुख सूचना अधिकारी तिल बहादुर गुरुङले बताए।
