ग्लोबल मनी विकको अवसर पारेर कृषि विकास बैंकले सुनसरी जिल्लाको हरिनगरामा विद्यार्थीसँग बैंक कार्यक्रम सम्पन्न गरेको छ।
हरिनगराकै हरिनगर मा.वि. मा कक्षा ११ र १२ मा पढ्ने ८० जना विद्यार्थीको सहभागीतामा विद्यार्थीसँग बैंक कार्यक्रम सम्पन्न गरेको छ।
उक्त कार्यक्रममा बैंकको तर्फबाट प्रमुख कार्यकारी अधिकृत, विभागीय प्रमुख, प्रदेश निर्देशक, शाखा हरिनगरा प्रमुखको सहभागीता रहेको थियो।
बैंकको यस किसिमको पहलबाट प्रफुल्लित भएर हरिनगरा गा.पा. का अध्यक्ष गफार अन्सारीले बैंकलाइ धन्यबाद दिन विद्यालयमा नै आइपुगेका थिए।
विद्यार्थीहरूलाई वित्तीय साक्षरताबारे राम्रोसँग सिक्न र घर परिवारमा पनि सिकाउन सुझाव दिएका थिए।
करिब डेढ घण्टा लामो कक्षामा वित्तीय साक्षरता भनेको के हो, यसको महत्त्व र उद्देश्य, बैंकिङ कारोबार, पारिवारीक बजेट, विप्रेषण, बीमा, गैह्र बैंकिङ कारोबार र यी सेवा र सुविधाको लागि एडिबिएलको पहलबारे विद्यार्थीहरूलाई जानकारी दिइएको थियो।
जसलाइ प्रदेश निर्देशक रञ्जन खनाल र विभागीय प्रमुख विना शर्माले सहजिकरण गरेका थिए।
कार्यक्रममा विद्यार्थीहरूले बजारमा चलिरहेका दुष्प्रचार र यसको पछाडिका कारणहरूबारे प्रश्न गरेका थिए भने सहजकर्ताहरूले जवाफ दिएका थिए।