हाम्रो दैनिक जीवनका गतिविधिहरू मोबाइल एपमा निर्भर हुन थालेका छन्।
घर, कार्यालय, व्यवसाय, यात्रा होस् या मनोरञ्जनका कामलाई मोबाइल एप नै अगाडि आउँछ। जसले भुक्तानी सुविधासँगै विभिन्न जानकारी, मनोरञ्जन र सहयोग उपलब्ध गराइरहेका छन्।
नेपालको बैंक तथा वित्तीय संस्थामा मोबाइल एप नभएको कुनै संस्था सायद नहोला। जसले पनि जस्तोसुकै भए पनि मोबाइल एप उपलब्ध गराएका छन्। तर, सबैले उपलब्ध गराएका मोबाइल एप सुरक्षित, भरपर्दो, धेरै सेवा सुविधा भएका भने छैनन्।
एनआइसी एशिया बैंक नेपालका वाणिज्य बैंकहरूमा सबैभन्दा धेरै मोबाइल एप प्रयोग हुने वाणिज्य बैंक बन्न सफल भएको छ। यस बैंकको मोबाइल एप सबैभन्दा धेरै डाउनलोड भएको एपमध्ये पर्छ।
चालु आर्थिक वर्षको पुस मसान्तसम्ममा मोबाइल बैंकिङ एप (मो बैंक) ३६ लाख पटक डाउनलोड भएको छ।
जसमध्ये एन्ड्रोइड मोबाइलमा ३२ लाख ४२ हजारभन्दा धेरै र आइओएस मोबाइलमा ३ लाख ३६ हजारभन्दा धेरै पटक डाउनलोड भएको छ।
बैंकले हरेक वर्ग र समुदायमा मोबाइल बैंकिङ सेवाको पहुँच पुगोस् भनेर विभिन्न भाषामा मोबाइल एप ल्याउन सुरू गरिसकेको छ।
यसको सुरूवात गर्दै पहिलो चरणमा नेपाली भाषामा सार्वजनिक गरेको छ। बहुसंख्यक नेपालीहरूले नेपाली भाषा बोल्ने र चलनचल्तीको मुख्य भाषा पनि नेपाली भएकाले नेपाली भाषामा मोबाइल एप सार्वजनिक गरिएको हो।
नेपालीसँगै अन्य सानो–सानो समुदायको लागि सजिलो हुने गरी मेबाइल एपलाई रुपान्तरण गर्दै जाने योजना बैंकले बनाएको छ।
मोबाइल बैंकिङ प्रयोकर्ता तर्फ हेर्ने हो भने २५ लाख ४१ हजार ८ सयभन्दा धेरै ग्राहकले मोबाइल बैंकिङ सेवा प्रयोग गरिरहेको छन्।
जुन समग्र बैंकिङ क्षेत्रको औषत प्रति बैंक प्रयोगकर्ताभन्दा १७७ प्रतिशत अर्थात् १६ लाख २२ हजारले बढी हो। समग्र बैंकिङ क्षेत्रको औषत प्रति बैंक मोबाइल बैंकिङ सेवा प्रयोगकर्ता ९ लाख १९ हजार रहेका छन्। वाणिज्य बैंकहरूमध्ये यो धेरै ठूलो उपलब्धि हो।
बैंक मुलुककै सबैभन्दा धेरै शाखा विस्तार गर्न सफल भएकै अवस्थामा 'डिजिटल फर्स्ट' योजनाबाट हातहातमा बैंक पुग्न सफल भएको छ। ४१ लाख ग्राहक संख्या पुगेको एनआइसी एशिया बैंकले 'मास बेस बैंकिङ' गरिरहेको छ।
एनआइसी एशिया बैंकले ‘डिजिटल फर्स्ट बैंक’ बन्ने दीर्घकालीन रणनीति अनुरुप सम्पूर्ण बैंकिङ सेवा तथा सुविधाहरू क्रमिकरूपले डिजिटलबाट गर्ने लक्ष्य राखेको छ।
अनलाइनबाट अहिले हरेक किसिमका भुक्तानी, फन्ड ट्रान्सफर, खातासम्बन्धी काम, कार्ड सम्बन्धी काम, रेमिटको काम, मोबाइल एपबाटै एटिएमबाट पैसा झिक्न सकिने, भिडियो केवासीलगायतका सुविधाहरू ल्याएको छ।
हाल ९५ प्रतिशत डिजिटल कारोबार गरिरहेको बैंकले सबै किसिमका सेवालाई सकेसम्म डिजिटल गर्ने ‘डिजिटल फस्र्ट’ नीति अगाडि सारेर काम गरिरहेको छ।
बैंकको मोबाइल एप (मोबैंक) वाणिज्य बैंकहरूले चलाइरहेका एपमध्ये सबैभन्दा उत्कृष्ट एपमा पर्छ। जसमा आइपिओ भर्नेदेखि कार्डलेस विथड्रलगायतका दर्जनौं सेवा र सुविधाहरु उपलब्ध छन्।
एपमा रहेका 'अकाउन्ट' अप्सनबाट आफ्नो खाताको स्टेटमेन्ट, ब्याज, कारोबार हिस्ट्री, आफ्ना खाता नम्बर अरुलाई पठाउन, क्यास डिपोजिट, लकर सुविधा पनि यसबाट लिन सकिन्छ। त्यससँगै कार्ड, मोबाइल टपअप र कार्डलेस विथड्रको अप्सन पनि रहेका छन्।
बैंकिङ सर्भिसभित्र फिक्स डिपोजिट गर्न, सेयर अप्लाइन, इ–कमर्श एक्टिभ गर्न, डिम्याट खाता खोल्न, कार्ड, शाखा र एटिएमको जानकारी लिनेदेखि १८ वटा सेवाहरू लिन सकिन्छ।
एपमा मोबैंक हब पेमेन्ट र पेमेन्टस् भन्ने अप्सनहरू रहेको छ। यहाँबाट दैनिक उपभोग वस्तुको विल भुक्तानी गर्न सकिन्छ। जस्तो कि विद्युत, कर, एयरलाइन्स टिकट, खानेपानी, इन्टरनेट, टिभी, इन्स्योरेन्स, सेयर बजार, इएमआई, केवल कार, बस टिकट, फिल्मको टिकेट, स्कुल कलेजको शुल्क तिर्न सकिने सुविधाहरू रहेका छन्।
डिसहोम, ब्रोडलिंक इनन्टरनेटका रिचार्ज कार्डहरू खरिद गर्न, इसेवा, खल्ती, आइएमई पे जस्ता मोबाइल वालेटमा पैसा लोड गर्न पनि सकिन्छ।
त्यसैगरी, 'फन्ड ट्रान्सफर' अप्सनबाट आफ्नो खातामा रहेको रकमलाई बैंककै खाता वा अन्य बैंक तथा वित्तीय संस्थाको खातामा पठाउन सकिन्छ। त्यस्तै, कनेक्ट आइपिएस प्रयोग गर्न र लाइट अकाउन्ट पनि बनाउन सकिन्छ।
मुद्दती खातामा पठाउन पनि मोबाइल एपबाटै सकिन्छ। 'सेन्ड मनी'बाट अरुलाई पैसा पठाउन, रेमिटेन्स पठाउन र प्राप्त गर्न सकिन्छ। सेयरको कारोबार गर्न, आफ्नो कार्डलाई अनलाइन सपिङको लागि एक्टिभ गर्न, क्युआरबाट भुक्तानी गर्न सकिने सुविधा एपमा रहेका छन्।
त्यसैगरी, मोर सर्भिसबाट कर्जा लिने सुविधा, मर्चेन्ट बन्न, आफ्नो खाता ब्लक गर्न, केवाइसी अपडेट गर्न, विभिन्न प्रोडक्टहरू बारे जानकारी लिन, प्यान अपडेडट गर्न, इक्यालेन्डर हेर्न लगायत आफ्नो मनमा रहेका बैंक सम्बन्धित प्रश्नहरूको जानकारी 'एफएक्यु'बाट लिन सकिन्छ।
