नेपालको विदेशी मुद्राको सञ्चिति निरन्तर बढिरहेको छ।
नेपाल राष्ट्र बैंकको वार्षिक प्रतिवेदनअनुसार आर्थिक वर्ष २०८१/८२ को आयातलाई आधार मान्दा, अहिलेको विदेशी मुद्रा सञ्चितिबाट १८ महिना ६ दिनको वस्तु आयात र १५ महिन १२ दिनको वस्तु तथा सेवा आयात धान्न सकिन्छ।
२०८२ असार मसान्तमा, कुल गार्हस्थ्य उत्पादन, कुल आयात, र विस्तृत मुद्राप्रदायसँग विदेशी मुद्रा सञ्चितिको अनुपात क्रमशः ४३.८ प्रतिशत, १२८.१ प्रतिशत र ३४.१ प्रतिशत रहेको छ। २०८१ असार मसान्तमा यो अनुपात क्रमशः ३५.८ प्रतिशत, १०८.६ प्रतिशत र २९.३ प्रतिशत थियो।
नेपाल राष्ट्र बैंकसँग रहेको सञ्चिति २०८१ असार मसान्तमा १८ खर्ब ४८ अर्ब ५५ करोड थियो, जुन २०८२ असार मसान्तमा ३०.६ प्रतिशतले बढेर २४ खर्ब १४ अर्ब ६४ करोड पुगेको छ।
यसैगरी, बैंक तथा वित्तीय संस्थाहरूसँग रहेको सञ्चिति २०८१ असार मसान्तमा १ खर्ब ९२ अर्ब ५५ करोड रहेकोमा २०८२ असार मसान्तमा ३६.६ प्रतिशतले बढेर २ खर्ब ६३ अर्ब ४ करोड भएको छ।
२०८२ असार मसान्तमा कुल विदेशी मुद्रा सञ्चितिमा भारतीय मुद्राको हिस्सा २३.१ प्रतिशत रहेको छ।
२०८१ असार मसान्तमा २० खर्ब ४१ अर्ब १० करोड रहेको कुल विदेशी मुद्रा सञ्चिति ३१.२ प्रतिशतले बढेर २०८२ असार मसान्तमा २६ खर्ब ७७ अर्ब ६८ करोड पुगेको छ।
अमेरिकी डलरमा हेर्दा, २०८१ असार मसान्तमा १५.२७ अर्ब रहेको सञ्चिति २०८२ असार मसान्तमा २७.७ प्रतिशतले बढेर १९.५० अर्ब पुगेको छ। गत वर्ष १७ खर्ब २३ अर्ब रूपैयाँको रेमिटेन्स मात्रै आएको छ।
-1746009348.jpg)
