नेपाल राष्ट्र बैंकले उपदान तथा पेन्सन कोषमा रहेको तीन अर्ब ३० करोड बराबरको रकम बैंक तथा वित्तीय संस्थामा निक्षेपको रूपमा राख्ने भएको छ।
राष्ट्र बैंकले सूचना जारी गर्दै ३ सय ६६ दिनका लागि उक्त रकम राख्न लागेको हो।
राष्ट्र बैंकले क, ख र ग वर्गका बैंक तथा वित्तीय संस्थामा उक्त रकम राख्न बैंकहरूबाट प्रस्ताव माग गरेको छ।
यसको लागि बैंक तथा वित्तीय संस्था सञ्चालनमा आएको कम्तीमा दुई वर्ष पूरा भएको, बैंकबाट तोकिएको न्यूनतम कुल पुँजीकोष कायम रहेको, निष्क्रिय कर्जा कुल कर्जा सापटीको आठ प्रतिशत र खुद निष्क्रिय कर्जा अनुपात तीन प्रतिशत ननाघेको हुनुपर्ने शर्त पूरा गरेको हुनुपर्ने छ।
असोज ३० गते बैंक तथा वित्तीय संस्थाले आफूले लिन चाहेको रकम र त्यसको लागि ब्याजदरसमेत प्रस्ताव गरेर आवेदन दिनुपर्ने सूचनामा उल्लेख छ।
बैंकहरूमा अहिले लगानीयोग्य पैसाको अभाव नभएको समयमा यो रकमले बजारको व्याजदरमा कुनै प्रभाव पार्ने देखिदैन।
‘अहिले बैंकहरू यो निक्षेप लिन पनि खासै इच्छुक हुँदैनन्,’ एक पूर्व बैंकरले भने।
बजारमा लगानीयोग्य पुँजी अभाव भएको अन्य समयमा पनि यसमा बैंकहरूले दिने ब्याजदरले आगामी दिनमा ब्याजदर कता जान्छ भन्ने संकेत गर्ने भएपनि अहिले भने यसको ठूलो प्रभाव नहुने ती बैंकर बताउँछन्।
अहिले बैंकहरूमा १० खर्ब बराबर लगानी योग्य पुँजी छ। बैंकहरूसँग धेरै पुँजी भएपनि राष्ट्र बैंकले २.७५ प्रतिशत ब्याजदरमा यस्तो पैसा प्रणालीबाट तानिरहेको छ।
हाल बैंकहरूले राष्ट्र बैंकमा राखेको रकम नै सात खर्ब बढी छ।
1635339834.jpeg)
-1756794700.JPG)
-1746009348.jpg)
