हालै आइपिओ जारी गरेको झापा इनर्जीको सेयर नेप्सेमा सूचीकृत भएको छ। आइतबारबाट कम्पनीको सेयर कारोबार गर्न सकिनेछ।
कम्पनीले नेप्सेबाट पहिलो कारोबारको लागि एक सय रूपैयाँ १२ पैसादेखि तीन सय रूपैयाँ ३६ पैसाको मूल्य रेञ्ज पाएको छ।
नेप्सेले पहिलो कारोबारको लागि कम्पनीको प्रतिसेयर नेटवर्थको तीन गुणासम्म मूल्य रेञ्ज दिने गर्छ।
कम्पनीको सर्वसाधारणमा रहेको २५ प्रतिशत स्वामित्व बराबरको ९ लाख ५० हजार कित्ता र संस्थापकमा रहेको ७५ प्रतिशत बराबरको २८ लाख २१ हजार कित्ता सेयर सूचीकृत भएको हो।
कम्पनीको सेयर रजिष्ट्रारमा हिमालयन क्यापिटल छ।
झापा इनर्जी सौर्य ऊर्जा उत्पादन गर्ने कम्पनी हो। यसको उत्पादन क्षमता १० मेगावाट रहेको छ। कम्पनीले २०८० माघ १० गतेबाट विद्युत उत्पादन सुरू गरिसकेको छ।
यस आयोजनाबाट उत्पादन भएको विद्युत ३३ केभी सिङ्गल सर्किट प्रसारण लाइन मार्फत दमक वितरण केन्द्र अन्तर्गत बुलुचोक सब–स्टेसनमा लगि राष्ट्रिय प्रसारण लाइनमा जोडिएको छ।
-1746009348.jpg)
