अमेरिकी डलरको तुलनामा नेपाली रूपैयाँ तीव्र रूपमा कमजोर भएको छ।
राष्ट्र बैंकको वर्तमान आर्थिक तथा वित्तीय स्थिति प्रतिवेदनअनुसार चालु आर्थिक वर्ष २०८२/८३ को पाँच महिनामै नेपाली रूपैयाँ अमेरिकी डलरसँग ५.१ प्रतिशतले अवमूल्यन भएको छ।
प्रतिवेदनअनुसार २०८२ असार मसान्तको तुलनामा २०८२ मंसिर मसान्तमा यस्तो अवमूल्यन देखिएको हो। अघिल्लो वर्षको सोही अवधिमा नेपाली रूपैयाँ १.५ प्रतिशतले मात्रै अवमूल्यन भएको थियो।
२०८२ मंसिर मसान्तमा अमेरिकी डलर एकको खरिद विनिमय दर १४४ रूपैयाँ ३७ पैसा पुगेको छ। २०८२ असार मसान्तमा उक्त विनिमय दर १३७ रूपैयाँ थियो।
छोटो अवधिमै डलर महँगो बन्दा आयात लागत बढ्ने र विदेशी ऋण तथा दायित्वको भार थपिने छ।
-1746009348.jpg)
