सोमबार पनि नेप्से परिसूचक घटेको छ।
नेप्से ९.०४ अंकले घटेर २६४१.०५ विन्दुमा बन्द भएको छ।
नेप्से परिसूचकसँगै कारोबार रकम पनि अघिल्लो दिनको तुलनामा घटेको छ।
शुक्रबार ३ अर्ब ७७ करोड रूपैयाँको सेयर कारोबार भएकोमा यसदिन उक्त रकम घटेर ३ अर्ब ६७ करोड रूपैयाँ पुगेको छ।
यसदिन ३५२ वटा धितोपत्रको एक करोड ९ लाख ६६ हजार ७४५ कित्ता सेयर किनबेच भएको हो।
आज ८२ कम्पनीको सेयरमूल्य बढेको छ भने १८० वटाको घटेको छ। यस्तै १४ कम्पनी स्थिर छन्।
कर्पोरेट डेभलपमेन्ट बैंकको मूल्य सर्वाधिक ८.४७ प्रतिशतले बढेको छ।
उक्त कम्पनीको प्रतिकित्ता मूल्य एक हजार १५५ रूपैयाँ २० पैसा पुगेको छ।
यस्तै, दरम खोला हाइड्रोको मूल्य ६ प्रतिशतले बढेर प्रति कित्ता मूल्य ६२० रूपैयाँ कायम भएको छ।
यसैगरी, रिलायबल समृद्धि योजना २ को मूल्य सर्वाधिक ९.४० प्रतिशतले घटेर प्रति इकाइ मूल्य ९ रूपैयाँ ३ पैसामा झरेको छ।
यस्तै, आत्मनिर्भर लघुवित्तको मूल्य ८.८७ प्रतिशतले घटेर प्रति कित्ता मूल्य पाँच हजार ४६७ रूपैयाँमा सीमित भएको छ।
सोमबार सोलु हाइड्रोपावरको सर्वाधिक कारोबार भएको छ।
उक्त कम्पनीको प्रतिकित्ता ७११ रूपैयाँमा ४६ करोड ३७ लाख बराबरको सेयर कारोबार भएको हो।
यो मूल्य अघिल्लो दिनको तुलनामा ३.३४ प्रतिशत बढेको हो।
सर्वाधिक सेयर खरिद–बिक्री हुने दोस्रो सूचीमा रिडी पावर रहेको छ।
उक्त कम्पनीको ३८४ रूपैयाँ ९० पैसामा २९ करोड २७ लाख रूपैयाँ बराबरको सेयर कारोबार भएको छ।
त्यस्तै, आज कारोबारमा आएका १३ वटा समूहगत परिसूचकमध्ये चार समूहको परिसूचक बढेको छ भने बाँकी ९ समूहको घटेको छ।
