बजारमा खसीको मासुको भाउ बढेको छ। उत्पादन घटेसँगै मासुको मूल्य बढेको व्यवसायीहरूले बताएका छन्। मासु व्यवसायीहरुका अनुसार खसीको मासुको मूल्य बढेको एक महिना भयो।
टोखास्थित एक मासु पसल सञ्चालकका अनुसार अहिले बजारमा खसीको मासुको मूल्य प्रतिकिलो १३ सय ५० रूपैयाँमा पुगेको छ।
एक महिनाअघि खसीको मासु प्रतिकिलो १३ सय रूपैयाँ थियो।
‘ज्युँदो खसीको मूल्य बढेकाले मासुको मूल्य बढेको हो,’ उनले भने।
उनका अनुसार खसीको मासुको मूल्य तोक्ने कुनै संघ वा निकाय छैन। किसानको फर्ममा ज्युँदो खसीको मूल्य बढेको आधारमा सबै व्यवसायीले मासुको मूल्य बढाउँछन्। याे खुद्रा मूल्य हाे। दसैंकाे समयमा भने ठूलाे परिमाणमा मासु लिँदा सस्ताे पर्छ। त्यस्तै, भाग लगाएकाे मासु पनि सस्ताे हुन्छ।
कुखुराको मासुको मूल्य जस्तो खसीको मासुको मूल्य घटबढ भइरहँदैन। आपूर्तिको आधारमा दुई/तीन वर्षसम्म पनि एउटै मूल्य कायम हुन सक्छ।
-1746009348.jpg)
