खाद्य व्यवस्था तथा व्यापार कम्पनीले तिहारलक्षित तीनदिने रैथाने मेला आयोजना गर्ने भएको छ।
मेला कात्तिक २१ देखि २३ गतेसम्म थापाथलीस्थित कम्पनीको बागमती प्रादेशिक कार्यालय परिसरमा सञ्चालन हुनेछ।
'तिहार विशेष रैथाने मेला २०८३' मा तिहारका परम्परागत परिकार, फूलमाला, सजावटका सामग्री, माटाका भाँडाकुँडा, रैथाने बाली तथा स्थानीय उत्पादन बिक्रीका लागि राखिने कम्पनीले जानकारी गराएको छ।
नेपाली मौलिक संस्कृति र स्वदेशी उत्पादनको प्रवर्द्धन गर्ने उद्देश्यले मेला आयोजना गर्न लागिएको उल्लेख छ।
मेलामा स्टल राख्न इच्छुक कृषक, सहकारी, महिला तथा युवा उद्यमी र स्थानीय उत्पादकबाट कम्पनीले आवेदन मागेको छ।
