खाना पकाउने ग्यास लिन बालाजुमा लाइन (तस्बिरहरू)

नवीनबाबु गुरूङ

काठमाडौं, फागुन २८

काठमाडौंको बालाजु औद्योगिक क्षेत्रमा एलपी (खाना पकाउने) ग्यास लिन जानेहरूको लाइन लागेको छ।

एलपी ग्यास अभाव हुन सक्छ भन्ने चर्चाबीच मानिसहरू सिलिण्डर बोकेर नयाँ ग्यास लिन पुगेका छन्।

अमेरिका र इसराइलले संयुक्त रूपमा इरानमा हमला बढाएपछि तेलमार्गको रूपमा चिनिने होर्मुज मार्ग अवरोध भएको छ।

इरानका तेल प्रशोधन क्षेत्रमासमेत हमला भइरहेको खबर बाहिरीएपछि विश्वभर पेट्रोलियम पद्धार्थको भाउ बढिरहेको छ।

यसकारण पेट्रोल, डिजेल र ग्यासको माग तथा खपत पनि बढिरहेको छ।

पेट्रोल र डिजेलको तुलना एलपी (खाना पकाउने) ग्यासको भण्डार क्षमता कम हुने भएकाले यसको आपूर्ति व्यवस्थापन अझ संवेदनशील मानिन्छ।

भारतमा घरेलु प्रयोगका एलपिजी सिलिन्डर रिफिल बुकिङ गर्न पाइने न्यूनतम अवधि २१ दिनबाट बढाएर २५ दिन पुर्‍याइएको छ।

बजारमा कृत्रिम अभाव सिर्जना गर्न सक्ने भन्दै अनावश्यक भण्डारण रोक्न यस्तो निर्णय गरिएको भारतीय सञ्चारमाध्यम द इन्डियन एक्सप्रेसले उल्लेख गरेको छ।

नेपालमा पनि पेट्रोलियम पदार्थ भारतबाटै आयात हुने हो।

नेपाल आयल निगम (एनओसी) ले यहाँ आवश्यक हुने पेट्रोलियम पदार्थ भारत सरकारको स्वामित्व भएको इन्डियन आयल कर्पोरेसन (आइओसी)बाट ल्याउँछ।

भारतमै ग्यासको अभाव भएपछि यहाँ आपूर्तिमा असर पार्छ कि पार्दैन? यस विषयमा हामीले एनओसीका प्रवक्ता मनोज ठाकुरलाई सोधेका छौं।

आइओसीले नेपाललाई मागअनुसार ग्यास उपलब्ध गराउने जनाएको ठाकुरले बताए। 'हामी दैनिक छलफलमै छौं। उनीहरूले नेपाललाई माग अनुसार ग्यास दिने बताएका छन्,' उनले भने।

तस्बिरहरू:

gasline-(18)-1773296052.jpg