मधेश प्रदेश लोकसेवा आयोगले प्रशासन, इन्जिनियरिङ, वन र शिक्षातर्फ विज्ञापन प्रकाशन गर्दै कर्मचारी माग गरेको छ।
आयोगले जारी गरेको सूचनाअनुसार प्रशासन, इन्जिनियरिङ, वन र शिक्षातर्फ सातौं तहको २२ जना कर्मचारी माग गरेको हो।
उमेर हद पुरुषको हकमा २१ वर्ष पूरा भई ३५ वर्ष ननाघेको, महिला ४० वर्ष ननाघेका र इन्जिनियरिङ, वन, कृषि सेवातर्फका ४० वर्ष ननाघेको हुनुपर्नेछ।
परीक्षा दस्तुर एक हजार रूपैयाँ लाग्नेछ। थप समूहका लागि चार सय रूपैयाँ लाग्नेछ।
योग्यता पुगेका इच्छुक नेपाली नागरिकले माघ १४ गतेसम्म र दोब्बर दस्तुर तिरेर माघ २१ गतेसम्म आवेदन दिन सक्नेछन्।
-1746009348.jpg)
