एनसेलको दशैं अफरः रिचार्जमा डेटा बोनस

सेतोपाटी संवाददाता काठमाडौं, असोज १७

यो दशैंमा एनसेलका ग्राहकहरुले प्रत्येक १०० भन्दा माथिको रिचार्जमा डेटा बोनस पाउने भएका छन्।

एक हजारसम्मको प्रत्येक रिचार्जमा ग्राहकले रिचार्ज गरको रकमको आधारमा १०० एमबी देखि १ जिबी सम्म डेटा बोनस पाउनेछन् । यो योजना शुक्रबार (असोज १७) बाट १५ दिनका लागि संचालनमा रहने छ ।

यो योजनामा १०० ब्यालेन्स रिचार्ज गर्ने ग्राहकले बोनस स्वरुप एक दिन समयावधि रहेको १०० एमबी डेटा पाउने छन् । २०० रिचार्ज गर्नेहरुले दुई दिन समयसिमा रहेको २०० एमबी र ३०० को रिचार्जमा ग्राहकहरुले तीन दिनको समयावधि भएको ३०० एमबी डेटा पाउने छन् ।

त्यसैगरी, ५०० रिचार्जमा ग्राहकले पाँच दिन भित्र प्रयोग गर्न मिल्ने ५०० एमबी डेटा प्राप्त गर्नेछन् भने १००० को रिचार्जमा १० दिन समयसिमा रहेको १ जिबी डेटा डेटा पाउने छन् ।

रिचार्ज रकम	डेटा बोनस	समयावधि
रु १००	१०० एमबी	१ दिन
रु २००	२०० एमबी	२ दिन
रु ३००	३०० एमबी	३ दिन
रु ५००	५०० एमबी	५ दिन
रु १०००	१ जिबी	१० दिन