ओपो र भोडाफोनले भोडाफोनको यूरोपियली बजारमा ओपोका स्मार्टफोनको व्यापक रेञ्ज भित्राउन सहकार्यको घोषणा गरेको छ।
ओपो र भोडाफोनबीचको उक्त सहकार्यले उपभोक्तालाई अझ व्यपाक छनोटको अवसर प्रदान गर्ने बताइएको छ। साथै भोडाफोनका अन्तर्राष्ट्रिय बजारमा फाइभजी एडप्सनमा सेवा तथा थप तिब्रता प्रदान गरिने निश्चित रहेको बताइएको छ।
भोडाफोनका रिटेल तथा अनलाइन च्यानल मार्फत ओपोका बजेट फोनदेखि फाइभजी फ्ल्यागशिप स्मार्टफोन (ए सिरिज, रेनो सिरिज र फाइन्ड एक्स सिरिज) लगायत फोनहरु उपलब्ध गराइने छ।
सहकार्यको पहिलो चरणमा भोडाफोनले ओपोका उत्पादनहरु जर्मनी, यूके, स्पेन, पोर्चुगल, रोमानिया, टर्की र नेडरल्यान्न्ड्समा रिटेल च्यानल मार्फत उपलब्ध गराउने छ।
यो ग्लोबल पार्टनरशिपको विकासका लागि ओपोका उत्पादन भोडाफोनको बजारमा सहज उपलब्धताका लागि दुवै कम्पनीले संयुक्तरुपमा पहल गर्ने भएका छन्।
ओपोले आफ्ना उत्पादनहरु अधिकमरुपमा ईन–हाउस गर्ने गरेको छ। साथै, कम्पनीका धेरैजसो उत्पादन केन्द्रहरु साधारणरुपमा सञ्चालनमा आइसकेको बताइएको छ।
-1746009348.jpg)
