सामसङ इनोभेसन क्याम्पस (एसआइसी) नेपालले एआई तथा बिग डेटा कार्यक्रम सम्पन्न गरेको छ।
यो सँगै कोडिङ तथा प्रोग्रामिङको नयाँ ब्याच सुरू भएको पनि जानकारी दिएको छ।
यस कार्यक्रमले विद्यार्थीहरूलाई व्यवहारिक सिकाइ, उद्योगसँग सान्दर्भिक ज्ञान तथा नेक्स्ट–जेनेरेसन प्रविधिहरूमा प्रत्यक्ष अनुभव प्रदान गरेको थियो।
२०२३ देखि एसआइसीले सामसङको विश्वव्यापी सिएसआर दृष्टिकोण टुकेदर फर टुमरो! इनेबलिङलाई अघि बढाउँदै युवालाई भविष्य–तयार सीपहरू प्रदान गरी नवप्रवर्तनकर्ता र समस्या समाधानकर्ताहरूको नयाँ पुस्ता विकास गर्न सशक्त बनाउँदै आएको छ।
कार्यक्रमका क्रममा स्नातक भएका विद्यार्थीहरूलाई उनीहरूको उपलब्धिको कदरस्वरूप प्रमाणपत्र प्रदान गरी सम्मान गरिएको थियो।
स्नातक भएका विद्यार्थीहरूको उपलब्धि उत्सव मनाउनुका साथै, समारोहमा एसआइसीको पाठ्यक्रमअन्तर्गत कोडिङ तथा प्रोग्रामिङ कोर्स सुरू गर्न लागेका नयाँ विद्यार्थीहरूलाई पनि स्वागत गरिएको थियो।
यस पाठ्यक्रमले उन्नत प्रविधि तालिमलाई आवश्यक सफ्ट स्किल्ससँग समेट्दै डिजिटल साक्षरता, सिर्जनशीलता, समस्या समाधान क्षमता तथा रोजगारीयोग्यता अभिवृद्धि गर्ने लक्ष्य राखेको छ।
'सामसङमा हामी युवालाई नेपालको भविष्यको नवप्रवर्तनको प्रमुख प्रेरक शक्तिका रूपमा हेर्छौ। उनीहरूलाई भविष्य–तयार सीपले सुसज्जित गर्नु केवल शिक्षामा सीमित विषय होइन—यो देशको दीर्घकालीन प्रगतिमा गरिएको लगानी हो।एआई तथा बिग डेटा कार्यक्रमका स्नातकहरूको उपलब्धि उत्सव मनाइरहँदा, हामी कोडिङ र समस्या समाधानमार्फत नेपालको डिजिटल क्षमतालाई थप सुदृढ बनाउने अर्को पुस्ताका शिक्षार्थीहरूलाई पनि समान रूपमा विकास गर्न प्रतिबद्ध छौं,' सामसङ नेपालका म्यानेजिङ डाइरेक्टर चाङ उक जङले भने।
'सामसङ इनोभेसन क्याम्पसमार्फत, हामी नेपालको बढ्दो डिजिटल अर्थतन्त्रमा नेतृत्व गर्न, नवप्रवर्तन गर्न र अर्थपूर्ण योगदान दिन युवालाई सशक्त बनाउने हाम्रो प्रतिबद्धता कायम राख्छौं,' उनले थपे।
सामसङ इनोभेसन क्याम्पसको पाठ्यक्रम केवल प्राविधिक तालिममा सीमित नरही, उन्नत प्रविधि सिकाइलाई आवश्यक सफ्ट स्किल्ससँग समेटेर वास्तविक कार्यस्थलमा विद्यार्थीहरू सफल हुन सकून् भन्ने उद्देश्यले तयार गरिएको बताइएको छ।
यस सन्तुलित दृष्टिकोणमार्फत सहभागीहरूले आफ्नो डिजिटल साक्षरता, सिर्जनशीलता, सहकार्य र समस्या समाधान क्षमतालाई थप सुदृढ बनाउँदै तीव्र रूपमा परिवर्तन हुँदै गएको प्रविधि क्षेत्रका लागि आत्मविश्वास र रोजगारीयोग्यता विकास गर्छन्।
कार्यक्रमको प्रमुख विशेषता यसको व्यवहारिक परियोजना अंश हो, जहाँ विद्यार्थीहरूलाई सामाजिक रूपमा सान्दर्भिक तथा वास्तविक जीवनका चुनौतीहरू समाधान गर्ने उपायहरू डिजाइन गर्न मार्गदर्शन गरिन्छ।
आर्टिफिसियल इन्टेलिजेन्स (एआई), बिग डेटा, इन्टरनेट अफ थिङ्स तथा कोडिङ र प्रोग्रामिङजस्ता उदीयमान प्रविधिहरू प्रयोग गर्दै विद्यार्थीहरूले अर्थपूर्ण ह्यान्ड्स–अन अनुभव हासिल गर्छन्। यी प्रविधिहरू के हुन् भन्ने मात्र होइन, कसरी वास्तविक प्रभाव सिर्जना गर्न प्रयोग गर्न सकिन्छ भन्ने कुरा पनि सिक्छन्।
यस कार्यक्रमको उद्देश्य युवापुस्तालाई भविष्य–तयार सीपहरूले सुसज्जित गर्नुका साथै नेपालमा सशक्त नवप्रवर्तन इकोसिस्टम निर्माणमा योगदान पुर्याउनु हो । सुदृढ शैक्षिक आधारमा आधारित यस पाठ्यक्रमअन्तर्गत सहभागी हुनका लागि एल्गोरिदम, डेटा स्ट्रक्चर र प्रोग्रामिङमा आधारभूत ज्ञान आवश्यक पर्ने व्यवस्था गरिएको छ।
पुल्चोक क्याम्पसमा आयोजित प्रमाणपत्र वितरण समारोहमा प्रा. डा. खड्ग के.सी., रेक्टर; डा. सञ्जय उप्रेती, क्याम्पस प्रमुख, पुल्चोक क्याम्पस तथा डा. सुशील बी. बज्राचार्य, डिन, इन्स्टिच्युट अफ इन्जिनियरिङको उपस्थिति रहेको थियो।
-1756794700.JPG)
-1746009348.jpg)
