विश्वप्रसिद्ध स्मार्टफोन ब्रान्ड सामसङले नेपाली बजारमा नयाँ एआई–ड्रिभन प्रविधि भित्र्याउने संकेत गर्दै टिजरहरूको एक शृंखला सार्वजनिक गरेको छ।
यी टिजरहरूले नेपाली प्रविधि प्रेमीहरूमाझ नयाँ उत्साह र कौतुहलता जगाएका छन्। आधिकारिक विवरणहरू गोप्य राखिए पनि सार्वजनिक भएका जानकारीले स्मार्टफोनको डिस्प्ले इन्टेलिजेन्स र अन–डिभाइस एआईमा ठूलो परिवर्तन आउन लागेको संकेत गर्दछ।
सामसङले यस पटक विशेष गरी 'इन्टेलिजेन्ट डिस्प्ले लेयर' मा केन्द्रित रहेर दैनिक प्रयोगलाई अझ स्मार्ट र सहज बनाउने योजना अघि सारेको देखिन्छ।
अन–डिभाइस एआईद्वारा सञ्चालित यो प्रविधिले मोबाइलको कन्टेन्टलाई रियल टाइममा गतिशील रूपमा अनुकूलन गर्ने क्षमता राख्दछ।
यसले प्रयोगकर्ताहरूले विभिन्न परिस्थितिमा स्क्रिन कसरी हेर्छन् र अन्तर्क्रिया गर्छन् भन्ने अनुभवलाई पूर्ण रूपमा नयाँ उचाइमा पु¥याउने अपेक्षा गरिएको छ।
टिजरमा देखिएको अर्को पक्ष भनेको एआईमा आधारित प्राइभेसी फिचर र चर्चित 'नाइटोग्राफी' मा हुन लागेको सम्भावित अपग्रेड हो।
कम्पनीले उन्नत डिस्प्ले प्रविधि र अन–डिभाइस इन्टेलिजेन्सको प्रयोग गरी नयाँ 'प्राइभेसी तह' प्रस्तुत गर्ने तयारी गरेको छ, जसले सार्वजनिक स्थानमा मोबाइल चलाउँदा व्यक्तिगत विवरणहरू सुरक्षित राख्न मद्दत पुर्याउनेछ।
नेपालमा ग्यालेक्सी फ्ल्यागसिपको सफलतालाई ध्यानमा राख्दै सामसङले चाँडै नै यो नयाँ स्तरको इन्टेलिजेन्स सार्वजनिक गर्ने तयारी गरिरहेको छ।
-1746009348.jpg)
