नागढुंगा-मुग्लिन सडक योजनाको पूर्वी खण्डअन्तर्ग नागढुंगा-नौबिसे सडक मर्मतको काम भइरहेको छ।
नागढुंगादेखि पिपलामोड हुँदै नौबिसेसम्म सडक कालोपत्रे तथा स्तरोन्नतिको काम भइरहेको छ।
सोमबारदेखि भने रातको समयमा चार घन्टा सवारी आवागमन बन्द गरेर सडक मर्मत गर्न लागिएको छ।
आयोजनाका अनुसार राति ११ बजेदेखि बिहान ३ बजेसम्मा नागढुंगा-नौबिसे सडकमा सवारी साधन पूर्ण रूपमा रोक लगाइनेछ।
एम्बुलेन्स लगायत अत्यावश्यक सवारी साधनहरूलाई भने आवतजावत गर्न दिइनेछ।
आजदेखि वैशाख ३१ गतेसम्म उक्त सडकखण्ड राति ४ घन्टा बन्द आंशिक बन्द रहनेछ।
त्यस अवधिमा काठमाडौंबाट जाने सवारीसाधन नागढुंगा चेकपोस्टमा रोकिने र नौबिसेबाट काठमाडौँतर्फ आउने सवारीसाधन खत्रीपौवा पुलमा रोकिने जनाइएको छ।
आयोजनाले सीतापाइला-भीमुढंगा-राम कोट-धार्के सडक तथा सामाखुशी-टोखा-गुर्जेभञ्ज्याङ छहरे-त्रिशूली(गल्छी सडक प्रयोग गर्न पनि अनुरोध गरेको छ।
तस्बिरहरूः
तस्बिर : नेपाल फोटो लाइब्रेरी।
