न्हुजःखलको आयोजनामा राष्ट्रिय कविता प्रतियोगिता हुने भएको छ। नेपाली युवाहरुमा सकारात्मक सोच र देशभक्तिको भावना अभिवृद्धि गर्ने उद्देश्यले फागुन ११ गते राष्ट्रिय सभा गृहमा न्हुजःराष्ट्रिय कविता प्रतियोगिता–२०७६ आयोजना गर्न लागिएको न्हुजःखलका अध्यक्ष दिपेन्द्र श्रेष्ठले बताए।
प्रतियोगीको उमेर ४० वर्ष मुनिको हुनुपर्नेछ भने कविता नेपाली भाषामा १ सय ५० शब्दमा समेटेर लेखिएको हुनुपर्नेछ। देशभक्तिको भावना, राष्ट्रिय एकता र भौगोलिक अखण्डताको पक्षपोषण, नेपालीको भलाई भावना तथा सकारात्मक सोचका विषयमा केन्द्रित भएर कविता रचिएको हुनुपर्ने श्रेष्ठले बताए।
कविता प्रतियोगितमा सहभागि हुन धधध।लजगवब।यचन मा लगइन गरी आफ्नो व्यक्तिगत एकाउण्ट बनाइ सो मार्फत कविता सम्प्रेषण गर्नुपर्ने आयोजकले बताएको छ।
कविता २०७६ माघ २५ गते अपरान्ह १२ बजेसम्म सम्प्रेषण गरिसक्नुपर्नेछ। प्रतियोगितमा प्रथम हुनेलाई ५० हजार दोस्रो हुनेलाई ३० हजार र तेस्रो हुनेलाई २० हजार रुपैयाँ र प्रशंसापत्र दिइनेछ। त्यस्तै सान्त्वना हुने दुई जनालाई १० हजार र प्रशंसापत्र दिइने आयोजकले जनाएको छ।
-1746009348.jpg)
