राष्ट्रिय जनता पार्टी (राजपा)का संघीय सांसदहरूले आफ्नो १५ दिनको तलब कोरोना रोकथाम तथा राहत कोषलाई दिने भएका छन्।
कोरोना रोकथामका लागि सबैको पहल जरूरी भएकाले राजपाका सांसदहरूले १५ दिनको तलब सरकारी कोषमा जम्मा गर्ने निर्णय भएको राजपाका महासचिव केशव झाले सेतोपाटीलाई बताए।
प्रतिनिधिसभामा राजपाका १७ जना सांसद छन्। जसमध्ये रेशम चौधरी निलम्बनमा छन्।
राष्ट्रियसभामा राजपाका २ जना सांसद छन्। सरकारले चैत ९ गते कोरोना रोकथाम तथा नियन्त्रणका लागि राहत कोष खडा गरेको थियो।
५० करोडको कोषमा सबै मन्त्रीहरूले एक महिनाको पारिश्रमिक दिने समेत निर्णय भइसकेको छ।
-1746009348.jpg)
