सत्तारुढ नेकपाका वरिष्ठ नेता एवम् विदेश विभाग प्रमुख माधवकुमार नेपाल र नेपालका लागि चिनियाँ राजदूत हाउ यान्छीबीच भेटवार्ता भएको छ।
वरिष्ठ नेता नेपाल र यान्छीबीच कोटेश्वरस्थित नेपाल निवासमा भेट भएको नेकपा विदेश विभागका उपप्रमुख विष्णु रिजालले पुष्टि गरेका छन्। भेटमा के विषयमा छलफल भयो भन्ने जानकारी गराइएको छैन।
नेकपाभित्र आन्तरिक विवाद बढिरहेका बेला भएको नेपाल र राजदूत यान्छीको भेटलाई अर्थपूर्ण रुपमा हेरिएको छ।
यसअघि पनि नेकपा विवाद उत्कर्षमा पुगेका बेला गत वैशाख १९ गते वरिष्ठ नेता नेपाल र चिनियाँ राजदूतबीच भेट भएको थियो।
त्यो बेला उनले सोही दिन (वैशाख १९) नेकपा अध्यक्ष पुष्पकमल दाहाल 'प्रचण्ड'लाई पनि भेट गरेकी थिइन्।