ऊर्जा, जलस्रोत तथा सिंचाई मन्त्री वर्षमान पुनको सुरक्षामा खटिएका एक सुरक्षाकर्मीलाई कोरोना संक्रमण पुष्टि भएको छ।
ऊर्जा मन्त्री वर्षमान पुन, उनकी पत्नी पूर्व सभामुख ओनसरी घर्ती सहित परिवारका सदस्य, सचिवालयका सदस्य र सुरक्षाकर्मी गरी ३० जनाको पिसिआर परिक्षण गरिएको थियो।
एक जना सुरक्षाकर्मी बाहेक सबैको पिसिआर रिपोर्ट नेगेटिभ आएको उर्जा मन्त्रीका प्रेस संयोजक दयानिधि भट्टले सेतोपाटीलाई बताए।
सुरक्षाकर्मीलाई कोरोना भाइरसको संक्रमण देखिएकाले मन्त्री पुन ५ दिन होम क्वारेन्टिनमा बस्ने समेत भट्टले बताएका छन्।
