एकिकरण प्रक्रियामा रहेका राष्ट्रिय प्रजातन्त्र पार्टी तथा राप्रपा संयूक्तले ६ महिनापछि हलोलाई चुनाव चिन्ह बनाउने सहमति जुटाएका छन्।
चुनाव चिन्हमा सहमतिमा जुटाएको राप्रपा आजै निर्वाचन आयोगमा दर्ता हुन जाने तयारीमा छ।
आयोग जानुअघि दुबै पार्टीको एकिकृत कार्यसम्पादनको वैठक बस्दैछ।
एकता प्रक्रिया सुरू भएको ६ महिनापछि टुङ्गो लागेको चुनाव चिन्हमा पार्टीका तीन अध्यक्षमध्येका एक कमल थापा भने सन्तुष्ट नभएको देखिएको छ।
मंगलबार बिहान पार्टी एकता जोगाउन सम्झौता अनिवार्य भएको भन्दै ट्विट गरेका उनले सोमबार गरेका दुई ट्विटले 'हलो'मा जुटाइएको सहमति उनका लागि पिडादायक भएको देखाउँछ।
असन्तुष्टि पोख्ने क्रममा उनले एक घण्टाको अन्तरमा दुई वटा ट्विट गरेका छन्।
'समुहमा बसेपछि आफ्नो मात्र चाहना अनुसार काम गर्न सकिन्न। पाइला पाइलामा सम्झौता गर्नुपर्ने हुन्छ। सक्षम नेतृत्वले सम्झौता/प्रतिकुलतालाई अवसरमा परिणतगर्दै सफलताको शिखर चुम्दछ। राप्रपाको एकिकरण सम्झौता हो। एकताको जगमा हिन्दुराष्ट्र/राजसंस्थासहितको लोकतन्त्र स्थापनागर्ने अभियान जारी रहनेछ', पहिलो ट्विटमा उनले भनेका छन्।
यस्तै दोश्रो ट्विटमा 'रगत पसिनाको धरातलमा गाँसिएको भावना र कायम गरिएको ‘चिनो’ तर्क र आधार विना केही व्यक्तिहरूको हठ तुष्टिकरण र प्रतिष्ठा राखिदिन परित्याग गर्नुपर्ने विवशताको पिडा स्वभावत: असहज हुन्छ' भनेका छन्।
दुबै ट्विटमा उनले गाई अंकित झण्डा समेत पोस्ट गरेका छन्।
उनको दोश्रो ट्विटमा पार्टीका अर्का नेता मोहन श्रेष्ठले 'क्वाँ क्वाँ रून्थे' भनेर प्रतिक्रिया दिएका छन्।
'रुन मिल्ने भएँ आज क्वाँ क्वाँ रुन्थें', नेता श्रेष्ठले प्रतिक्रिया दिएका छन्।
रगत पसिनाको धरातलमा गाँसिएको भावना र कायम गरिएको ‘चिनो’ तर्क र आधार विना केही व्यक्तिहरूको हठ तुष्टिकरण र प्रतिष्ठा राखिदिन परित्याग गर्नुपर्ने विवशताको पिडा स्वभावत: असहज हुन्छ
उनको सो प्रतिक्रियामा के भयो भनेर राखिएको जिज्ञासामा
नेता श्रेष्ठले 'सन्दर्भ : पार्टी एकता जोगाउन केही विषयमा सम्झौता गर्नुपरेको अवस्थामा मनमा उर्लिएको भावना।' भनेका छन्।
