संसद सचिवालयका महासचिव भरतराज गौतमले निलम्बित प्रधानन्यायाधीश चोलेन्द्रशमशेर राणाविरूद्धको महाअभियोग निष्प्रभावी भएको निर्णय आफूले गरेको बताएका छन्।
बुधबार सेतोपाटीसँग कुरा गर्दै उनले राणाले दिएको निवेदनका आधारमा यो निर्णय भएको बताए।
‘यो निर्णय उहाँले दिएको निवेदनमा टेकेर लिइएको हो। कुनै राजनीतिक सरसल्लाहमा लिइएको निर्णय होइन,’ गौतमले भने,‘मैले पहिला निलम्बनको पत्र पठाएको हो। अहिले पनि मैले अवकाश हुन लागेका प्रधानन्यायाधीशको हकमा प्राकृतिक न्यायको सिद्धान्तका आधारमा निर्णय लिएको हुँ।’
संसद सचिवालयका महासचिवले महाअभियोग निष्प्रभावी भएको पत्र पठाएपछि निलम्बित प्रधानन्यायाधीश राणाले बुधबार दिउँसो सर्वोच्च जाने तयारी गरेका छन्।
संविधानविद्हरूले भने संसदमा दर्ता भएको महाअभियोग संसद सचिवालयले निष्प्रभावी बनाउन नसक्ने तर्क गरेका छन्।
-1746009348.jpg)
