सत्तारूढ नेकपा (एमाले) की सांसद सझना थपलियाले सिराहालगायत मधेसका विभिन्न जिल्लामा शान्ति सुरक्षाको अवस्था बिग्रँदै गइरहेको बताएकी छन्।
प्रतिनिधि सभाको सोमबारको बैठकमा बोल्दै उनले आपराधिक समूहले समय नै तोकेर गाउँमा लुट्ने र चोरी गर्ने गरेको बताइन्।
‘सिराहा जिल्ला लगायत तराई मधेसका अन्य जिल्लाहरुमा अहिले शान्ति सुरक्षाको अवस्था हदैसम्म बिग्रिएको छ। विगत तीन महिना भित्र श्रृंखलावद्ध रुपमा भएको एक दर्जन जति चोरी डकैतीको घटनाले समाजको मनोविज्ञानमा डर र त्रास पैदा गरेको छ,’ उनले भनिन्, ‘एकातिर श्रृंखलावद्ध चोरी र डकैतीको घटना भइरहेको छ। अर्कातिर गाउँ गाउँमा अपराधिक समूहले यति दिनभित्र यो गाउँ लुट्छौँ, यति दिन भित्र यो गाउँ चोरी गर्छौं भनेर पोस्टर र पम्प्लेट टाँसेको अवस्था छ। सुन्दा यो अपत्यारिलो छ तर सत्य कुरा यही हो।’
सांसद थपलियाले स्थानीय प्रहरी प्रशासनले परिस्थिति काबुमा लिन नसकेको पनि बताइन्।
