राष्ट्रिय प्रजातन्त्र पार्टीका अध्यक्ष राजेन्द्रप्रसाद लिङदेनले प्रधानमन्त्री एवं नेकपा एमाले अध्यक्ष केपी शर्मा ओलीलाई प्रत्यक्ष कार्यकारी प्रधानमन्त्रीको व्यवस्थासहित निर्वाचनमा सहभागी हुन चुनौति दिएका छन्।
शनिवार झापाको बिर्तामोडमा राप्रपाको जिल्ला अधिवेशनलाई सम्बोधन गर्दैै लिङ्देनले जनतामा धेरै नै लोकप्रिय छु भन्ने लागेको भए संविधान संशोधन गरेर प्रत्यक्ष निर्वाचित प्रधानमन्त्रीमा प्रतिष्पर्धा गर्न प्रधानमन्त्री ओलीलाई चुनौती दिएका हुन्।
'बहुमतको सरकार छ। हामी पनि सहयोग गरौंला। संविधान संशोधन गरौं। ०८४ को चुनाव प्रत्यक्ष निर्वाचित कार्यकारी प्रधानमन्त्री व्यवस्था गरेर तपाईं र म चुनाव लडेर जाऔं। देश सिँगै एउटा निर्वाचन क्षेत्र बनाऔं र देशभरिको जनतालाई भोट मागौं। जनतालाई कसले भोट दिँदो रहेछ,' उनले भने।
लिङ्देनले प्रधानमन्त्री ओलीले एमाले नेता कार्यकर्ताहरूसँग लिङ्देनले झापामा कहाँबाट चुनाव जित्दो रहेछ हेरौंला भनेको विषयमा पनि जबाफ दिए।
पढ्नुस्ः राजेन्द्र लिङ्देनले झापाबाट कसरी चुनाव जित्छन् हेरौंला: केपी ओली
'हाम्रो केही सहकार्य भयो । राजेन्द्र लिङदेन एउटा सांसद जित्नु र नजित्नु भन्दा माथि छ भन्नेकुरा उहाँले बुझिदिनुपर्छ,' उनले भने।
उनले आफूमाथि सांघातिक हमलाको योजना बनाउनेलाई नै चुनावमा पराजित गरेको पनि बताए।
'०६२/०६३ को निर्वाचनमा आफू गृहमन्त्री हुँद जसले योजना बनाएर सांघातिक आक्रमण गरायो। त्यो मान्छेसँग चुनाव लडेर जित्न पाउने भाग्यमानी मान्छे हुँ। समयले खोजेछ भने झापा-५ टाढा होइन। राजेन्द्र लिङ्देन त्यहाँ गएर लड्न सक्छ। समयको कुरा हो। जनताले चाह्यो र समयले माग्यो भने ५ नम्बरमा गएर चुनाव लड्ने सुविधा पनि राजेन्द्र लिङ्देनलाई छ। त्यति हिम्मत राखेको छु,' उनले भने।
-1746009348.jpg)
